Aqtóbede eki sheneýnik tártiptik jazaǵa tartyldy
QR Memlekettik qyzmet isteri jáne sybaılas jemqorlyqqa qarsy is-qımyl agenttiginiń oblystyq departamenti Ádep keńesiniń otyrysyn ótkizdi. Keńeste Aqtóbe oblysy, Áıteke bı aýdanynyń jumyspen qamtý jáne áleýmettik baǵdarlamalar bólimi basshysynyń orynbasary Temirbek Súıinshınge qatysty is qaraldy. Departamenttiń bas mamany Qaırat Akıevtiń aıtýynsha, sheneýnik Ákishilik quqyqbuzýshylyq kodeksi boıynsha jaýapkershilikke tartylyp, oǵan 5 AEK kóleminde aıyppul salynǵan. ıAǵnı, memlekettik qyzmetker 12 myń teńge aıyppul tóledi. Іs keıin Ádep keńesine tústi. Oqıǵa 2018 jyldyń shildesinde dámhana ishinde bolǵan.
«Men demalysta júrgen edim. Ári balam aýyryp, aýrýhanaǵa tústi. Kinámdi moıyndaımyn, mas boldym», - dedi Temirbek Súıinshın.
Ádep keńesinde mas kúıinde kólik júrgizgen Alǵa aýdandyq jer qatynastary bóliminiń basshysy Eskendir Bekishtiń isi de qaraldy. Basshyny jol-patrýldik qyzmeti toqtatyp, 3 jylǵa kólik basqarý quqyǵynan aıyrylǵan.
«Men óz kinámdy moıyndaımyn. Sol kúni toıdan shyqqan edim. Bul isim durys emes, keshirim suraımyn», - dedi Eskendir Bekish.
Ádep keńesi eki memlekettik qyzmetkerge de qyzmetine tolyq sáıkes emes degen tártiptik jaza usyndy.
