Aqtóbede eki oqýshyny kóligimen qaǵyp ketken júrgizýshi izdestirilip jatyr
Aqtóbe oblystyq polıtsııa departamentiniń habarlaýynsha, oqıǵa qaladaǵy Táýelsizdik dańǵyly boıynda boldy.
Kýágerlerdiń sózine súıengen quqyq qorǵaýshylar aq tústi «VAZ 2121 markaly kólik júrgizýshisi dańǵylymen júrip kele jatyp, joldyń júrý bóligin kesip ótken 8 jáne 9 jastaǵy kámeletke tolmaǵan jaıaý júrginshilerdi qaǵyp ketken.
Keıin jol-kólik oqıǵasy ornynan qashyp ketken.
«Oqýshylar Aqtóbe qalasynyń jedel medıtsınalyq járdem aýrýhanasynyń reanımatsııa bólimshesine jatqyzyldy. Osy derek boıynsha Qylmystyq kodekstiń «Jol erejesin buzý» baby boıynsha sotqa deıingi tergeý bastalyp, kúdikti adamdy anyqtaýǵa jáne ustaýǵa baǵyttalǵan jedel is-sharalar júrgizilip jatyr. Kýágerlerden «102» nómirine qońyraý shalýdy suraımyz. Qupııa qalatynyna kepildik beriledi»,- dedi oblystyq PD baspasóz qyzmetiniń jetekshisi.
Eske salsaq, Hromtaý qalasynda saraıdan órt shyǵyp, garajǵa ulasty. Ondaǵy kólik janyp ketip, tórt adam aýrýhananyń jansaqtaý bólimine tústi.
Úı ıesiniń aıtýynsha, órt shyqqanyn kórgen kezde birden adamdardy qutqarýǵa barǵan. Onda páter jaldaýshylar turǵan. Barlyǵy da órt ishinen shyqqan.
