Aqtóbede eki kúnde jol apatynan bir bala kóz jumyp, 4-eýi jaraqattandy

AQTÓBE. QazAqparat - Batys Qytaı - Batys Eýropa baǵytyndaǵy tasjoldyń Saryjar aýyly mańynda oqýshyny kólik qaǵyp ketti. Ol oqıǵa ornynda kóz jumdy, dep habarlaıdy QazAqparat tilshisi.

Aqtóbe oblysynda sońǵy eki kúnde jol-kólik apatynan bir bala kóz jumyp, tórt bala jaralandy. Barlyǵy 4 jol-kólik oqıǵasy boldy.

«Mitsubishi lancer kóliginiń 29 jastaǵy júrgizýshi Aqtóbeden shyǵyp, Mártók aýdanyna baǵyt alǵan. Ol Saryjar aýyly mańynda joldy kesip ótip bara jatqan jasóspirimdi soqqan. 13 jastaǵy jaıaý júrginshi oqıǵa ornynda alǵan mert boldy. Júrgizýshige qatysty QR QK-niń 345-baby 3-bóligi, ıaǵnı, «Adam ólimine ákep soqtyrǵan kólik quralyn basqaratyn adamnyń jol erejesin buzýy» baby boıynsha sotqa deıingi tergeý bastaldy»,- dedi oblystyq PD baspasóz qyzmetiniń jetekshisi Erbolat Sarqulov.
Aıta keteıik, Aqtóbede oqýshylar mingen kólik aýdarylyp, voleıboldan jarysqa kele jatqan bir jas sportshy kóz jumdy. Qazirgi kezde jaraqat alǵan 8 bala men jattyqtyrýshy aýrýhanada em alyp jatyr.

Al júrgizýshi rýlde qalǵyp ketken.