Aqtóbede eki kóliktiń soqtyǵysýynan jaıaý júrginshi kóz jumdy
AQTÓBE. QazAqparat – Aqtóbe qalasynda eki kólik soqtyǵysyp, saldarynan jaıaý júrginshi kóz jumdy, dep habarlaıdy QazAqparat tilshisi.
Jol-kólik apaty Marat Ospanov kóshesinde boldy.
Oblystyq Polıtsııa departamenti baspasóz qyzmetiniń habarlaýynsha, «Nissan Primera» markaly kóliginiń júrgizýshisi mas kúıinde rýlge otyryp, der kezinde toqtaı almaǵan. Saldarynan 40 jastaǵy júrgizýshiniń basqarýyndaǵy «Lada 121440» avtokóligimen soqtyǵysty. Odan ári «Nissan Primera» jaıaý júrginshini qaqqan.
«Saldarynan 50 jastaǵy áıel dene jaraqatyn alyp, jansaqtaý bólimine jatqyzyldy. Keıin ol alǵan jaraqatynan kóz jumdy», - dedi oblystyq Polıtsııa departamenti baspasóz qyzmetiniń jetekshisi Erbolat Sarqulov.
Qylmystyq kodekstiń «Kólik quralyn basqarý quqyǵynan aıyrylǵan jáne abaısyzda adam ólimine ákep soqqan alkogoldik masań kúıdegi adamnyń KQ-ny basqarýy» babymen tergeý bastaldy.
