Aqtóbede eki kólik soqtyǵysyp, júrgizýshi oqıǵa ornynda qaıtys boldy
AQTÓBE. QazAqarat – Aqtóbe-Atyraý tasjolynda jol-kólik oqıǵasy boldy. Jeńil kólik júrgizýshisi oqıǵa ornynda kóz jumdy, dep habarlaıdy QazAqparat tilshisi.
Aqtóbe-Atyraý tasjolynda jeńil jáne júk kóligi soqtyǵysty. Temir aýdanynan Baıǵanınge bet alǵan kóliktiń 57 jastaǵy júrgizýshisi qarsy baǵytqa shyǵyp, júk kóligimen soqtyǵysqan.
«Jol-kólik oqıǵasy saldarynan LADA Granta avtokóliginiń júrgizýshisi oqıǵa ornynda kóz jumdy. Atalǵan fakti boıynsha Qylmystyq kodekstiń «Abaısyzda adam ólimine ákep soqqan jol qozǵalysy erejesin buzý» baby boıynsha sotqa deıingi tergeý bastaldy»,- dedi Aqtóbe oblysy PD bastyǵy Atyǵaı Arystanov.
Aıtyp óteıik, buǵan deıin qalada jol-kólik oqıǵasy bolyp, 2 aılyq sábı shetinep ketken bolatyn.
