Aqtóbede eki kólik soqtyǵysyp, júrgizýshi men eki jolaýshy qaza tapty
AQTÓBE. QazAqparat - Aqtóbe - Atyraý tasjolynda eki jeńil kólik soqtyǵysyp, eki jolaýshy kóz jumdy, dep habarlaıdy QazAqparat tilshisi.
Oqıǵa 30 qazan kúni saǵat 19: 30 –da tirkeldi. Aqtóbe-Atyraý tasjolynyń Baıǵanın aýdany Noǵaıty aýyly mańynda «Mitsubishi Lancer» avtokóliginiń 21 jastaǵy júrgizýshisi qarsy baǵytqa shyǵyp ketip, «Volkswagen Passat» avtokóligimen soqtyǵysty. Jol–kólik oqıǵasy saldarynan «Mitsubishi» avtokóliginiń júrgizýshisi men «Mitsubishi» jáne «Volkswagen» avtokólikteriniń eki jolaýshysy alǵan jaraqattarynan oqıǵa ornynda kóz jumdy. Al «Volkswagen Passat» avtokóliginiń 45 jastaǵy júrgizýshisi Baıǵanın aýdanynyń ortalyq aýrýhanasyna jatqyzyldy.
«Atalǵan fakti boıynsha Qylmystyq kodekstiń «Abaısyzda eki nemese odan da kóp adamnyń ólimine ákep soqqan jol qozǵalysy erejelerin buzý« baby boıynsha sotqa deıingi tergeý bastaldy. Aqtóbe oblystyq polıtsııa departamenti júrgizýshilerge jolda óte muqııat jáne abaı bolýdy eskertedi»,- dedi oblystyq PD baspasóz qyzmetiniń jetekshisi Erbolat Sarqulov.
