Aqtóbede eki kólik soqtyǵysyp, jaıaý júrginshi kóz jumdy
AQTÓBE. QazAqparat – Aqtóbede júk jáne jeńil kólik soqtyǵysyp, jaıaý júrginshiler jolyndaǵy júrgizýshi kóz jumdy, dep habarlaıdy QazAqparat tilshisi.
Búgin Aqtóbe qalasyndaǵy Ábilqaıyr han dańǵyly boıynda jol-kólik oqıǵasy tirkeldi.
«Shacman» markaly júk kóliginiń júrgizýshisi burylysta qarsy kele jatqan «BMW» markaly avtokóligine jol bermeı, soqtyǵysty.
Sol kezde júk kóligi qozǵalys baǵytyn ózgertip, jaıaý júrginshiler jolymen júrip kele jatqan Batys Qazaqstan oblysynyń 32 jastaǵy turǵynyn qaǵyp ketti.
Jol apaty saldarynan áıel sol jerde kóz jumdy. Al «BMW» avtokóliginiń júrgizýshisi jedel medıtsınalyq járdem aýrýhanasyna jatqyzyldy.
«Jol-kólik oqıǵasynyń negizgi sebebi – qarapaıym erejeni buzý. Júrgizýshiler táýekelge baryp, orny tolmas ókinishke dýshar bolyp jatady. Osyǵan baılanysty jol qozǵalysyna qatysýshylardy jol erejelerin saqtaýǵa shaqyramyn. Sizdiń oılanbaı istegen áreketińizden eshbir kinási joq adam zardap shegýi múmkin. Bul jerde óz jónimen ketip bara jatqan áıel qaza tapty», - deıdi oblystyq PD bastyǵy Atyǵaı Arystanov.
