Aqtóbede eki kólik soqtyǵysyp, eki adam kóz jumdy
AQTÓBE. QazAqparat – Aqtóbe oblysyndaǵy halyqaralyq tasjolda jol-kólik oqıǵasy jıilep ketti. Búgin jol apatyna ushyraǵan eki jeńil kólikte eki adam kóz jumdy, dep habarlaıdy QazAqparat tilshisi.
Halyqaralyq jáne respýblıkalyq mańyzy bar tasjoldarda jol-kólik oqıǵasy kóbeıdi.
«Búgin Samara-Shymkent tas jolynyń 908 shaqyrymynda Nissan jeńil avtokólik júrgizýshisi kólik qozǵalysynyń qarama-qarsy baǵytyna shyǵyp ketip, Mercedes markaly júk kóligimen soqtyǵysqan. Saldarynan Nissan avtokóliginiń júrgizýshisi men jolaýshysy oqıǵa ornynda qaza tapty. Qazirgi ýaqytta jol apatynyń sebepteri anyqtalyp jatyr», - dep habarlady oblystyq PD baspasóz qyzmetiniń jetekshisi Erbolat Sarqulov.
Polıtsııa qyzmetkerleri jol-erejesin qatań saqtaýǵa jáne jyldamdyqty asyrmaýǵa úndedi. Buǵan deıin habarlaǵanymyzdaı, Aqtóbe-Atyraý tasjolynda jeńil jáne júk kóligi soqtyǵysyp, júrgizýshi kóz jumdy.
