Aqtóbede eki kólik soqtyǵysyp, bir otbasynyń úsh adamy kóz jumdy
AQTÓBE. QazAqparat – Aqtóbede eki jeńil kólik soqtyǵysyp, 4 adam kóz jumdy, dep habarlaıdy QazAqparat tilshisi.
Oqıǵa «Qandyaǵash-Embi-Shalqar» tasjolynda boldy. «Lada-Prıora» avtokóliginiń 40 jastaǵy júrgizýshisi Embi qalasynan Qandyaǵash qalasyna bara jatyp, aldyńǵy kólikten ozý kezinde qaýipsizdik erejesin saqtamaǵan. Sóıtip Іzimbet aýyly mańynda qarsy baǵytta kele jatqan «Lada-Prıora» avtokóligimen soqtyǵysqan.
«Jol-kólik oqıǵasy saldarynan júrgizýshi men 32 jastaǵy áıel, 14 jastaǵy bala oqıǵa ornynda kóz jumdy. Al 3 jasar qyz Embi qalasynyń ortalyq aýrýhanasyna jatqyzyldy. Olar bir otbasynyń adamdary. Sonymen qatar, basqa kóliktiń júrgizýshisi men 6 jolaýshysy Embi qalasynyń ortalyq aýdandyq aýrýhanasyna jatqyzyldy. Onda 51 jastaǵy jolaýshy esin jımastan kóz jumdy. Jol-kólik oqıǵasyna baılanysty QR QK 345-baby 4-bóligi boıynsha sotqa deıingi tergeý júrgizilip jatyr», - dep habarlaıdy oblystyq PD baspasóz qyzmetiniń jetekshisi Erbolat Sarqulov.
