Aqtóbede eki kólik soqtyǵysyp, 5 adam kóz jumdy
AQTÓBE. QazAqparat – Aqtóbeniń Bestamaq aýyly mańyna eki kólik soqtyǵysyp, 5 adam kóz jumdy, dep habarlaıdy QazAqparat tilshisi.
Búgin saǵat 12:15-te «Aqtóbe-Astrahan» tasjoly boıynda «Toıota-Ipsýn» jáne «Lada-Largýs» kóligi soqtyǵysty.
«Aldyn ala boljam boıynsha, «Toıota-Ipsýn» kóliginiń 24 jastaǵy júrgizýshisi qarsy baǵytqa shyǵyp ketip «Lada-Largýs» kóligimen soqtyǵysty. Oqıǵa ornynda júrgizýshi men jolaýshy kóz jumdy. Aýdandyq aýrýhanaǵa bes adam jetkizilip, taǵy úsh adam mert boldy. Jol-kólik oqıǵasy boıynsha tergeý bastaldy», - dedi oblystyq PD baspasóz qyzmetiniń jetekshisi Erbolat Sarqulov.
