Aqtóbede eki kólik aryqqa túsip ketti
AQTÓBE. QazAqparat – Aqtóbe qalasyndaǵy aryqqa eki jeńil kólik túsip ketti. Biriniń júrgizýshisi aýrýhanaǵa tústi, dep habarlaıdy QazAqparat tilshisi.
Aqtóbe qalasyndaǵy Sáńkibaı batyr kóshesinde ornalasqan aryqqa bir emes, eki kólik túsip ketti. Oblystyq polıtsııa departamenti baspasóz qyzmetiniń habarlaýynsha, Shevrolet kóliginiń júrgizýshisi abaısyzda aryqqa qulaǵan.
«Oqıǵa ornyna patrýldik polıtsııa qyzmetkerleri jiberildi. Áıel abaısyzda sol aryqqa túsip ketken. Eshkim zardap shekken joq. Sonymen birge «Volkswagen Polo» avtokóliginiń 30 jastaǵy júrgizýshisi Sáńkibaı batyr dańǵylynda kedergi men qaýip týyndaǵan kezde jyldamdyqty tómendetpeı, rýlge ıe bola almaı qaldy. Sóıtip aryqqa túsip ketti. Jol-kólik oqıǵasy saldarynan júrgizýshi jedel járdem aýrýhanasynyń jansaqtaý bólimine jatqyzyldy», - dep habarlady oblystyq PD baspasóz qyzmeti.
