Aqtóbede eki iri óndiris orny jumysshylaryna 44 mln teńge qaryz

AQTÓBE. QazAqparat – Aqtóbede eki iri kásiporyn jumysshylaryna 44 mıllıon teńge bereshek. Eńbekkerler aldyndaǵy qaryz birneshe jyldan beri ótelmegen, dep habarlaıdy QazAqparat tilshisi.

Bıyl moratorııge baılanysty eńbek ınspektorlary tekserýdi azaıtty. Alaıda 900-den astam adamnyń aryz-shaǵymy boıynsha jumys berýshilerdiń is-áreketi nazardan tys qalmady. Barlyǵy 159 nusqama berilip, 44 ákimshilik is qozǵaldy. Jumys berýshilerge 8 mıllıon teńge aıyppul salyndy.

«Bıyl óndiriste 45 jazataıym oqıǵa tirkeldi. 9 aıda 54 adam jaralanyp, 11-i kóz jumdy. Barlyq oqıǵa boıynsha arnaıy tekserý júrgizilip, is polıtsııaǵa jiberildi. Qazirgi kezde 25 qylmystyq is qozǵaldy», - dedi oblystyq eńbek ınspektsııasy basqarmasynyń basshysy Salamat Amanbaev.

Aıta keteıik, qazirgi kezde Aqtóbede eki iri óndiris ornynyń 150-den astam jumysshysy jalaqysyn ala almaı júr. Jalpy qaryz kólemi 44 mıllıon teńgeden asty.

Onyń biri – «Jańatas Aqtóbe» JShS. Sońǵy 2-3 jylda bul másele sheshimin tappaı keledi. Ekinshisi – «Askaekspotsentr» JShS. Bereshegi - 15 mıllıon teńge.

«Aımaqtyq deńgeıde taǵy 5 kásiporyn baqylaýǵa alyndy. Olar da jumysshylaryna qaryz. Aı saıyn esep júrgizip otyramyz», - dedi Salamat Amanbaev.