Aqtóbede eki er adam sýǵa batyp ketti
AQTÓBE. QazAqparat - Aqtóbede belgilenbegen jerge sýǵa túsken eki adam ózenge batyp ketti, dep habarlaıdy QazAqparat tilshisi.
Biri Muǵaljar aýdanynyń Qandyaǵash qalasynda boldy. Energetık baý-baqsha ujymy mańyndaǵy Elek ózenine túsken Aqtóbe qalasynyń turǵyny sýdan shyqpaı qalǵan.
«Oqıǵa ornyna aýdandyq tótenshe jaǵdaılar bóliminen eki adam jáne úsh tehnıka jiberildi. Aqtóbe qalasynyń 40 jastaǵy turǵyny mas kúıinde sýǵa shomylǵan. Janynda úsh adam bolǵan. Qutqarýshylar onyń máıitin úsh saǵattan soń 3 metr tereńdikten alyp shyqty», - dedi oblystyq TJD baspasóz qyzmeti.
Aqtóbe qalasyndaǵy Elek ózeniniń shomylǵan er adam da sýǵa batyp ketti. Ol da belgilenbegen jerge baryp, mas kúıinde shomylǵan. Qutqarýshylar onyń denesin 3,5 metr tereńdikten tapty.
