Aqtóbede eki bala ystan ýlanyp, aýrýhanaǵa tústi
AQTÓBE. QazAqparat - Aqtóbede 9 jáne 13 jasar eki bala ystan ýlanyp qaldy, dep habarlaıdy QazAqparat tilshisi.
Aqtóbedegi baý-baqsha ujymynda turatyn bir otbasynyń eki balasy ystan ýlanǵan.
Qazir eki oqýshy balalar aýrýhanasynda jatyr. Jaǵdaıy - ortasha aýyr.
Oblystyq TJD oqıǵa tirkelgen úıge baryp, tekserý júrgizdi. Aldyn ala belgili bolǵany - murjada aqaý bar.
«Tótenshe jaǵdaılar qyzmeti turmystaǵy órt qaýipsizdiginiń qarapaıym erejelerin saqtaýǵa, peshti aldyn ala jylytý maýsymyna daıyndap, jaryqty bitep qoıýǵa keńes beredi. Oqıǵa ornyna baryp, taǵy túsindirý jumysy júrgizildi. Ári dabyl qondyrǵysyn ornatqan durys» dep habarlady oblystyq TJD baspasóz qyzmeti.
