Aqtóbede eki bala balkonnan qulap ketti
AQTÓBE. QazAqparat – Aqtóbe qalasynda 4 jastaǵy eki bala balkonnan qulap, aýrýhanaǵa tústi, dep habarlaıdy QazAqparat tilshisi.
Aqtóbe qalasy Eset batyr kóshesinde balkonnan 4 jasar qyz qulap ketti. Keshkilik anasy men otbasynyń úlken qyzy qoqys tógýge shyǵyp, 2015 jáne 2017 jyly týǵan ul men qyzyn páterge qaldyryp ketken. Anasy úıge oralǵan kezde esik aldynan qyzyn kórdi.
«Anasy jedel járdem shaqyrdy. Úıge kirgennen keıin, balanyń legenge minip, anasyn balkonnan qaraımyn dep qulap ketkenin túsindi. Bala oblystyq balalar aýrýhanasynyń jansaqtaý bóliminde jatyr. «Mıdyń jeńil dárejedegi soqqysy, keýde qýysynyń jabyq jaraqaty, eki ókpeniń soqqysy, ishtiń jabyq jaraqaty, quıymshaq omyrtqasynyń jabyq synýy» dıagnozy qoıyldy. Sonymen qatar 17 - naýryzda 4 jastaǵy bala balkonnan qulap ketti. Bala anasymen ıAsnoe aýylynan qala ortalyǵyndaǵy aǵasyna qonaqqa barǵan. Anasy as úıde keshki as daıyndaǵan ýaqytta bala qonaq bólmesinde jalǵyz qalyp, sodan keıin balkonnan ózi abaısyzda qulap tústi. Aýyr soqqy alǵan, oblystyq balalar aýrýhanasynyń jansaqtaý bólimine jatqyzyldy», - dep habarlady oblystyq polıtsııa departamenti baspasóz qyzmetiniń jetekshisi Erbolat Sarqulov.
