Aqtóbede eki aılyq sábı indetke shaldyqty
AQTÓBE. QazAqparat – Aqtóbede sońǵy táýlikte 9 adam indetke shaldyqty, onyń bireýi eki aılyq náreste, dep habarlaıdy QazAqparat tilshisi.
Aqtóbe oblysy boıynsha 21-56 jas aralyǵyndaǵy áıelderden jáne eki jastaǵy náresteden koronavırýs ınfektsııasy anyqtaldy.
«Olardyń ishinde beseýi buǵan deıin koronavırýs anyqtalǵan naýqastarmen jaqyn qarym-qatynasta bolǵan, bireýi JRVI belgilerimen aýrýhanaǵa jatqyzylǵan, ekeýi profılaktıkalyq maqsatta tekserilgen, bir naýqas ózi erkimen synama tapsyrǵan kezde anyqtalǵan. Qazirgi ýaqytta indetke shaldyqqandar juqpaly aýrýlar aýrýhanasyna oqshaýlandy. Naýqastardyń jaǵdaılary qanaǵattanarlyq. Hattamaǵa sáıkes tıisti em qabyldap jatyr. Olarmen qarym-qatynasta bolǵan adamdar medıtsınalyq baqylaýǵa alyndy. Aýrý oshaqtary dezınfektsııalandy», - dep habarlady oblystyq taýarlar men kórsetiletin qyzmetter sapasy men qaýipsizdigin baqylaý departamentiniń baspasóz qyzmeti.
Aıta keteıik, óńirde barlyǵy 242 adam indetke shaldyqsa, onyń 164-i emdelip shyqty.
foto:ainews.kz