Aqtóbede eki áıeldi kólik qaǵyp ketti
AQTÓBE. QazAqparat – Aqtóbede júrgizýshi qolaısyz aýa raıyn eskermeı, júrginshiler jolynan ótip bara jatqan eki áıeldi qaǵyp ketti. Zardap shekkenderdiń ekeýi de aýrýhanaǵa tústi, dep habarlaıdy QazAqparat tilshisi.
«Mazda-3» avtokóliginiń 36 jastaǵy júrgizýshisi jol jáne meteorologııalyq jaǵdaılardy eskermeı, Aqtóbe qalasy Janqoja batyr kóshesi boıyndaǵy joldan ótip bara jatqan eki jaıaý júrginshini qaǵyp ketti.
«Jol-kólik oqıǵasy saldarynan eki jaıaý júrginshi, 31 jáne 50 jastaǵy áıel Aqtóbe qalasynyń medıtsınalyq jedel járdem aýrýhanasyna jatqyzyldy. Atalǵan derek negizinde Qylmystyq kodekstiń «Jol-qozǵalysy erejesin buzý» baby boıynsha sotqa deıingi tergeý júrgizilip jatyr», - dedi oblystyq PD baspasóz qyzmetiniń jetekshisi Erbolat Sarqulov.
