Aqtóbede eki áıel kópqabatty úıdiń joǵarǵy qabatynan sekirip kóz jumdy

AQTÓBE. QazAqparat - Aqtóbede turǵyn úıdiń janynan eki adamnyń máıiti tabyldy, dep habarlaıdy QazAqparat polıtsııaǵa silteme jasap.

24 sáýir saǵat 01:48 shamasynda jedel basqarý ortalyǵynyń 102 pýltine «Aqtóbe ajary» 112 turǵyn úı kesheniniń joǵarǵy qabatynan adam qulaǵany týraly habar túsken.

Oqıǵa ornyna kelgen patrýldik polıtsııa qyzmetkerleri úıge kirer esiktiń aldynan eki áıeldiń denesin tapty.

Polıtseıler máıitterdiń jeke basyn anyqtady, olar - 31 jáne 56 jastaǵy áıelder.

QR QK 105-baby 2-bóligine sáıkes sotqa deıingi tergeý jumystary júrgizilip jatyr.

Oqıǵanyń sebepteri anyqtalyp jatyr.