Aqtóbede eki aıaǵynan aıyrylǵan jas jigittiń týystary izdestirilýde
AQTÓBE. QazAqparat - Aqtóbede 30 jastaǵy er adamnyń týǵan-týystary izdestirilip jatyr, dep habarlaıdy QazAqparat tilshisi.
Tımýr Baqytovtyń Aqtóbeniń jedel járdem aýrýhanasynda jatqanyna eki aıdan asty. Ol munda qos aıaǵyn úsik shalyp túsken.
«1988 jyly týǵan Tımýr Baqytov aýrýhanaǵa 2018 jyldyń 16 jeltoqsanynda tústi. Ota jasalyp, úsip ketken eki aıaǵy kesildi. Naýqas sóılespeıdi, tek aty-jónin aıtady. Tanyǵan, bilgen adamdardyń habarlasyp, baılanys jasaýyn suraımyz», - dedi oblystyq jedel járdem aýrýhanasynyń bólim basshysy Dına Týkesheva.
