Aqtóbede eki aı buryn paıdalanýǵa berilgen turǵyn úıde gaz ben jaryq qosylmaı tur
AQTÓBE. QazAqparat - Aqtóbe qalasyndaǵy «Nur Aqtóbe» yqsham aýdanynda paıdalanýǵa berilgen kópqabatty úıdiń jaryǵy men gazy, sýy iske qosylmaǵan. Eki aı buryn kiltin alǵan turǵyndar jańa qonysqa áli kóship barmaǵan, dep habarlaıdy QazAqparat tilshisi.
Aqtóbe qalasynyń turǵyny Súıinhan Shılanbaev búgin qala ákimi Іlııas Ispanovtyń esep berý kezdesýine keldi. Vahtalyq ádispen jumys isteıtin aýǵan soǵysynyń ardageri eki aıdan astam ýaqyt buryn páter alǵanyn, jaryǵy men sýy berilmeı turǵanyn jasyrmady.
«Biz páter kiltin saltanatty túrde oblys ákimi Berdibek Saparbaevtyń qolynan alǵan bolatynbyz. Sol úıde gaz, jaryq, sý joq. Jylýdy qosyp, maǵan jylýdyń kommýnaldyq aqysyn tóleý qajet ekenin aıtty. Ózim ol úıge áli kóshpedim. Keshe ǵana jumystan keldim», - dedi aýǵan soǵysynyń ardageri Súıinhan Shılanbaev.
Jergilikti ákimdik kópqabatty turǵyn úıdiń ınjenerlik ınfraqurylymy daıyn turǵanyn jetkizdi. Tek páter ıeleri Turǵyn úı qurylys jınaq bankimen kelisimshartqa otyryp, qujattardy ýaqytyly rásimdeý kerek.
«Turǵyn úı tolyq daıyn. Páter ıeleri Turǵyn úı qurylys jınaq bankine baryp, qujattaryn retteýi kerek. Sol kezde barlyq ınjenerlik jelini qosyp beremiz», - dedi Aqtóbe qalasynyń turǵyny Іlııas Ispanov. Qala basshysy 24 páterli turǵyn úı ıeleriniń bári kelisimshartqa otyrýy mańyzdy dep túsindirdi.
Aıta keteıik, ótken jyly Turǵyn úı qurylys jınaq bankine aqsha jınaǵan aqtóbelikter páterli boldy. Olardyń arasynda muǵalimder men dárigerler, qalalyq ákimdiktiń turǵyn úı sektorynda kezekte turǵan adamdar bar. https://kaz.inform.kz/news/aktobede-nurly-zher-bagdarlamasymen-273-pater-berildi_a3091912
