Aqtóbede eki apta ishinde 17 qarý tárkilendi

AQTÓBE. QazAqparat - Aqtóbede eki aptada 17 qarý zańsyz aınalymnan alyndy. Sonymen birge qarý ustaıtyn adamdar tekserilip, 300-ge jýyq ákimshilik quqyqbuzýshylyq anyqtaldy, dep habarlaıdy QazAqparat tilshisi.

Aqtóbelik polıtseıler «Qarý» jedel aldyn alý is-sharasyn qorytyndylady. Zańsyz aınalymnan atys qarýy men oq-dárilerdi anyqtaý, sondaı-aq Aqtóbe oblysynyń aýmaǵynda qarý ıelerin turǵylyqty jeri boıynsha tekserý maqsatynda 2-15 aqpan aralyǵyna tekserýdi kúsheıtti.

'Jedel aldyn alý sharasy barysynda zańsyz aınalymnan 17 dana atys qarýy (oıyq qarý-1, tegis uńǵyly qarý-14, gazdy qarý-1, elektrli qarý-1) jáne 2 dana tegis uńǵyly qarýdyń patrondary alyndy. Tirkelgen atys qarýy ıeleriniń turǵylyqty jeri boıynsha 700-den astam adam tekserildi. Tekserý nátıjesinde 293 ákimshilik quqyq buzýshylyq anyqtaldy. Onyń ishinde qarýdy zańsyz saqtaǵany úshin – 19, qarýdy saqtaý jáne alyp júrý erejelerin buzǵany úshin – 179 jáne qarýdy qaıta tirkeýdi buzǵany úshin – 95«,- dedi oblystyq PD baspasóz qyzmetiniń jetekshisi Erbolat Sarqulov.
Sondaı-aq, aýdandyq bólimshe qyzmetkerleri sharýa qojalyqtarynda atys qarýyn zańsyz saqtaý faktilerin anyqtaý maqsatynda reıd júrgizdi.Polıtsııa departamenti zańsyz saqtalǵan qarý men oq-dárilerdi óz erkimen tapsyrǵan adamdar qylmystyq jáne ákimshilik jaýapkertan bosatylatynyn eske saldy.