Aqtóbede eki adamnyń óliminen keıin barlyq túngi klýb tekseriledi
AQTÓBE. QazAqparat – Aqtóbede eki jigitti qınap óltirgen kúdiktilerdiń bári ustaldy. Olar qazir tergeý ızolıatorynda otyr. Sonymen birge qaladaǵy barlyq kóńil kóterý oryndary tekseriletin boldy, dep habarlaıdy QazAqparat tilshisi.
Aqtóbe qalasyndaǵy Elek ózeniniń jaǵasynda eki adamnyń denesi tabylyp, tergeý bastalǵanyn buǵan deıin jazǵan bolatynbyz. K údikke ilingenderdiń úsheýi kelesi kúni elordada ustaldy.
Qazirgi kezde barlyǵy 13 adam kúdikke ilikti.
«Qylmysqa qatysy bar kúdiktiler ustalyp, sottyń qaýlysymen tergeý ızolıatoryna qamaýǵa alyndy. Barlyǵy 13 adam qamaýda otyr. Ustalǵandardyń basqa da qylmystarǵa qatysy bar-joǵy tekseriledi.
Sonymen qatar osy aýyr qylmys týraly habarlamaǵan jáne ýaqtyly medıtsınalyq kómek kórsetý sharalaryn qabyldamaǵan túngi klýb dırektory ustaldy. Bul klýbtyń lıtsentsııasynyń kúshin joıý jáne ony jabý týraly sotqa talap engiziledi», - dedi oblystyq Polıtsııa departamenti baspasóz qyzmetiniń jetekshisi Erbolat Sarqulov.
Sondaı-aq aldaǵy ýaqytta Polıtsııa departamenti barlyq kóńil kóterý ornyn tekseretin bolady. Azamattardyń qaýipsizdigi talaptarynyń saqtalýyn, lıtsenzııasy bar kúzet sýbektileriniń tartylýyn mindetteıdi. Aqtóbe qalasynda eki kisini óltirdi degen
