Aqtóbede eki adam sýǵa batyp ketti
AQTÓBE. QazAqparat - Aqtóbede 24 jáne 37 jastaǵy eki er adam sýǵa batyp ketti, dep habarlaıdy QazAqparat tilshisi.
Qutqarýshylar 24 jastaǵy qala turǵynyn eki saǵattan astam ýaqyt izdep, Aqtóbe sý qoımasynan denesin alyp shyqty. Jaqyn mańda bolǵan adamdardyń aıtýynsha, aqtóbelik shomylý barysynda batyp ketken. Denesi jaǵadan 10 metr qashyqtyqtan, 8 metr tereńdikten tabyldy.
«Saǵat 18:42-de Áıteke bı aýdany, Qarabutaq aýylyndaǵy Yrǵyz ózeninen 37 jastaǵy er adamnyń denesi tabyldy. Qutqarýshylar ony 4 metr tereńdikten alyp shyqty», - dep habarlady oblystyq Tótenshe jaǵdaılar departamentiniń baspasóz qyzmetinen.
Aıta keteıik, sýǵa shomylý maýsymy bastalǵan beri oblysta 13 adam mert boldy.
