Aqtóbede eki júk kóligi soqtyǵysyp, júrgizýshileri kóz jumdy

AQTÓBE. KAZINFORM – Samara – Shymkent tasjolynyń Yrǵyz aýdany aýmaǵynda eki júk kóligi soqtyǵysty. Saldarynan eki kóliktiń de júrgizýshisi sol jerde kóz jumdy.

Oqıǵa saǵat 15:30 shamasynda Samara – Shymkent tasjolynda boldy. Oblystyq PD baspasóz qyzmetiniń habarlaýynsha, Almatydan shyqqan júk kóliginiń júrgizýshisi qarsy baǵyttaǵy jolaqqa shyǵyp ketken. Rýlde Tájikstan azamaty bolǵan. Saldarynan qarsy kele jatqan júk kóligimen soqtyǵysyp, 50 jáne 21 jastaǵy qos júrgizýshi kóz jumdy. Júk kóliginiń biri jeńil kólik tasymaldaǵan.

Eske salsaq, Samara – Shymkent tasjolynda shaǵyn avtobýs pen jeńil kólik soqtyǵysyp, bir jolaýshy kóz jumdy. Taǵy 11 adam ambýlatorlyq em alýǵa úıine jiberildi.