Aqtóbede eki kólik soqtyǵysyp, bes adam kóz jumdy
AQTÓBE. KAZINFORM — Polıtsııa qazir tergeý júrgizip jatyr. Bir adam Baıǵanın aýdandyq aýrýhanasyna jetkizildi.
Oqıǵa Aqtóbe-Atyraý tasjolynyń Baıǵanın aýdany Qaraýylkeldi aýyly mańynda boldy. «VAZ» jáne «DAF» avtokólikteri soqtyǵysqan.
— Jol-kólik oqıǵasy saldarynan «VAZ» avtokóliginiń júrgizýshisi men tórt jolaýshysy alǵan jaraqattarynan oqıǵa ornynda qaza tapty. Bir jolaýshy túrli dene jaraqattarymen Baıǵanın aýdandyq ortalyq aýrýhanasyna jetkizildi. Atalǵan jol-kólik oqıǵasy faktisi boıynsha sotqa deıingi tergep-tekserý júrgizilip jatyr. Oqıǵanyń barlyq mán-jaıy anyqtalady, — dep habarlady Aqtóbe oblystyq PD bastyǵynyń orynbasary Ardana Saımaǵambetov.
Aıta keteıik, aqpan aıynda Aqtóbe-Atyraý tasjolynda 10 kólik soqtyǵysty. Oqıǵa Aqkemer aýyly mańynda boldy. Jol-kólik oqıǵasy saldarynan úsh adam túrli jaraqattarmen medıtsınalyq mekemege jetkizildi.