Aqtóbede eki kólik soqtyǵysyp, 4 adam kóz jumdy
AQTÓBE. KAZINFORM – Samara-Shymkent tasjolynyń Álııa aýyly mańynda júk kóligi jáne jeńil mashına soqtyǵysty. Oqıǵa ornynda tórt adam kóz jumdy.
Aqtóbe oblystyq PD baspasóz qyzmetiniń habarlaýynsha, qazirgi kezde sotqa deıingi tergep-tekserý bastaldy.
– Búgin saǵat 18:45 shamasynda Samara-Shymkent tasjolynyń Qobda aýdany Álııa aýyly mańynda Mersedes júk kóligi men Volkswagen Polo kóligi soqtyǵysty. Jeńil kóliktegi tórt jolaýshy oqıǵa ornynda kóz jumdy. Júrgizýshi men bala medıtsınalyq mekemege jetkizildi. Qazir Qylmystyq kodekstiń 345 baby 4 bóligi boıynsha is qozǵaldy. Polıtsııa departamenti jol qozǵalysynyń barlyq qatysýshysyn jol qozǵalysy erejelerin qatań saqtaýǵa shaqyrady, - dedi Qobda aýdany PB bastyǵynyń orynbasary Aslan Shotanov.
Aıta keteıik, búgin Aqtóbe qalasynda júk kóligi men avtobýs soqtyǵysty. Jedel járdem tórt adamdy qarap, ekeýin aýrýhanaǵa jetkizdi.
