Aqtóbede eki aılyq bala shetinep, anasy bas bostandyǵynan aıyryldy
AQTÓBE. KAZINFORM - Oqıǵa Alǵa aýdanynda boldy. Áıel úıde bosanyp, balasyna durys kútim jasamaǵan.
Aqtóbe oblysy Alǵa aýdandyq sotynda Qylmystyq kodekstiń 119 baby 3 bóligi boıynsha is qaraldy. ıAǵnı, anasy balany qaýipti jaǵdaıda qaldyrǵan. Ol sábıdiń shetinep ketýine ákep soqty.
Іs materıalyna súıensek, 38 jastaǵy áıel byltyr naýryz aıynda júkti ekenin biledi. Alaıda, medıtsınalyq mekemege barmaı, tirkeýge turmaı, júre beredi.
2024 jyldyń qarasha aıynda aıy, kúni jetip, qyzyn úıde ómirge ákeledi. Sonda da ol emhanaǵa barmaǵan, tirkeýge turmaǵan. Sot kezinde anasy balasyn durys tamaqtandyrmaǵany, baǵyp-qaqpaǵany anyqtaldy.
- Náreste tonzıllıt, eki jaqty irińdi, serozdy pnevmonııa, irińdi bronhıtke shaldyqqan. Sonda da anasy esh áreket jasamaı, jańa týǵan nárestege kómektespegen. Saldarynan sábı kóz jumǵan. Sottalýshy sot otyrysynda óziniń kinásin tolyq moıyndady, jasaǵan isine ókindi. Sot otyrysynda prokýror sottalýshyny Qylmystyq kodekstiń 119 babynyń 3 bóligimen kináli dep tanyp, oǵan 1 jyl merzimge bas bostandyǵynan aıyrý jazasyn taǵaıyndaýdy surady. Sot úkimimen sottalýshy kináli dep tanylyp, oǵan 1 jyl merzimge bas bostandyǵynan aıyrý túrindegi jaza taǵaıyndaldy. Sot úkimi zańdy kúshine engen joq,- dep habarlady Alǵa aýdandyq sotynyń baspasóz qyzmeti.
Eske salsaq, keshe Aqtóbede qala kúninen soń jappaı tóbelesken jastar uzaq merzimge sottalyp ketti. Olar jasóspirimdi kólikpen qaǵyp, birneshe ret pyshaqtaǵan. Jábirlenýshi taraptyń moraldyq, materıaldyq shyǵyny óteledi.