Aqtóbede eki aýyldyń ákimi saılanady
AQTÓBE. KAZINFORM — Qazirgi kezde kandıdattardy tirkeý aıaqtaldy. Al saılaý 8 qarasha kúni ótedi.
Aqtóbe oblystyq aýmaqtyq saılaý komıssııasynyń habarlaýynsha, qarasha aıynda Baıǵanınniń Qyzylbulaq jáne Shalqardyń Bershúgir aýyldyq okrýgterinde saılaý ótedi. Búginde kandıdattardy tirkeý aıaqtaldy. Saılaý naýqany bastalǵannan beri alty kandıdat usynyldy.
— Alty kandıdattyń ekeýi — «Ádilet» partııasynan, tórteýi — ózin-ózi usynǵandar. Bir okrýgke ortasha básekelestik úsh adamnan keledi. Kandıdattardyń ortasha jasy — 36. Eń jasy 29-da, úlkeni 41-de, — dep habarlady Aqtóbe oblystyq aýmaqtyq saılaý komıssııa.
Eske salaıyq, qyrkúıek aıynda Aqtóbede segiz aýyldyń ákimi saılandy. Saılaý oblystyń bes aýdanynda ótti. Ákim bolǵandar arasynda burynǵy mektep dırektorymen qatar óz qyzmetin saqtap qalǵandar da bar.
