Aqtóbede eGov.kz portalynyń 7 mıllıonynshy paıdalanýshysy tirkeldi

ASTANA. QazAqparat - Aqtóbe oblysy Oıyl aýdany qazaq orta mektebiniń 16 jastaǵy oqýshysy Nurqanat Baısultanov elektrondy úkimettiń 7 mıllıonynshy paıdalanýshysy bolyp tirkeldi. 

«Ulttyq aqparattyq tehnologııalar» AQ ókilderi Nurqanatty kompanııa úshin mańyzdy sátpen quttyqtady, dep jazady Habar 24 .

Nurqanattyń aıtýynsha, ol eń alǵashqy jeke kýáligin alǵan kezde elektrondy tsıfrlyq qoltańbany alyp, eGov.kz portalynda tirkelgen. Bolashaqta Nurqanat elektrondy úkimet portalyn jıi paıdalanyp, memlekettik qyzmetter men túrli anyqtamalardy onlaın túrde alýdy josparlap otyr. Qazirgi ýaqytta eGov.kz jáne e-lıtsenzııalaý portaldarynyń kómegimen azamattarǵa 452 elektrondyq qyzmet, servıster pen tólemder qoljetimdi. Portal iske qosylǵan sátten beri otandastarymyzǵa 192,3 mln ret elektrondy qyzmetter kórsetilgen. 2017 jyly elimizde memlekettik qyzmetterdi  ınternet jelisi arqyly alýǵa azamattarmen 29 014 586 ret ótinish berilgen.