Aqtóbede dzıýdodan Qazaqstan chempıonaty bastalady
ASTANA. QazAqparat - Búgin Aqtóbe qalasynda dzıýdodan erler men áıelder arasynda Qazaqstan chempıonaty resmı túrde bastalady, dep habarlaıdy QazAqparat tilshisi.
«Jekpe-jek» sport kesheninde ótkiziletin aıtýly dodaǵa elimizdiń 14 oblysynan jáne Astana men Almaty qalalarynan 400-den astam dzıýdoshylar qatysady.
Alaıda, elimizdiń bedeldi dzıýdoshylary, atap aıtqanda, Álem chempıony, Rıo Olımpıadasynyń kúmis júldegeri Eldos Smetov pen Álem chempıony Maksım Rakov jaraqattaryna baılanysty chempıonattan bosatylǵan. Al, qyzdar ulttyq qurama komandasynan Rıo Olımpıadasynyń jáne Álem chempıonatynyń qola júldegeri Galbadrah Otgontsetsegti qosqanda barlyq burymdy balýandar Aqtóbe tatamıinde beldesedi.
Jyldyń eń mańyzdy ári qorytyndy jarysynda jeńimpaz atanǵan dzıýdoshylar ulttyq qurama sapynda 2018 jyly el namysyn qorǵaıtyn bolady, sondaı-aq, Azııa men Álem chempıonattaryna qatysýǵa múmkindik alady.
10-13 qarashada ótetin Qazaqstan Respýblıkasynyń chempıonatyn «Qazsport» telearnasy kórsetedi.
Jarys kestesi:
10 qarasha
Jarystyń bastalýy - 10:00
Jarystyń resmı ashylý saltanaty- 17:00
Fınaldyq beldesýler - 17:30
Erler: -60 kg; -66 kg;
Áıelder: - 48 kg; - 52 kg;
11 qarasha
Jarystyń bastalýy - 10:00
Fınaldyq beldesýler - 17:00
Erler:-73 kg, -81 kg
Áıelder: -57kg, -63 kg,-70 kg
12 qarasha
Jarystyń bastalýy - 10:00
Fınaldyq beldesýler - 17:00
Erler: -90 kg, -100 kg, +100 kg
Áıelder: -78 kg, +78 kg
13 qarasha
Qazaqstan Respýblıkasynyń kýbogy (komandalyq)
Jarystyń bastalýy - 10:00
Fınaldyq beldesýler - 17:00
