Aqtóbede dúkenshini óltirip ketti
AQTÓBE. QazAqparat – Qarǵaly aýdanynyń ortalyǵy Badamshada dúken satýshysyn óltirip ketti. Kúdiktiler ustaldy, dep habarlaıdy QazAqparat tilshisi.
Oqıǵa 14 tamyz kúni boldy. Badamsha aýylyndaǵy azyq-túlik dúkeniniń satýshysy birneshe jerinen pyshaq jaraqatyn alyp, oqıǵa ornynda qaza bolǵan.
«Jedel izdestirý nátıjesinde Hromtaý qalasynda eki kúdikti ustaldy. Olardyń biri sol qalanyń turǵyny bolsa, ekinshisi Badamsha aýylynyń azamaty. Qazir ekeýi de qamaýǵa alyndy. Qylmystyq kodekstiń «Adam óltirý» babymen is qozǵalyp, sot aldy tergeý jumystary júrip jatyr», - dedi oblystyq PB baspasóz jetekshisi Erbolat Sarqulov.
