Aqtóbede dúkenshi kassadaǵy aqshany ózi «urlap aldy»
AQTÓBE. QazAqparat - Aqtóbede dúken satýshysy polıtsııaǵa jalǵan habarlama berip, kassadaǵy aqshany qaltasynan salyp aldy, dep habarlaıdy QazAqparat tilshisi.
Aqtóbe qalasyndaǵy Qarǵaly aýyldyq okrýginde ornalasqan dúken satýshysy polıtsııaǵa telefon shalyp, qaraqshylyq shabýyl jasalǵany týraly aqparat beredi. Dúken satýshysy betperde kıgen eki adam kelip, kassadaǵy aqshany alyp ketkenin málimdegen.
«Polıtsııa qyzmetkerleri oqıǵa ornyna jedel jetti. Dúkenshiden jaýap alý kezinde onyń qateleskeni belgili bolyp, qaraqshylyq shabýyldyń qoldan uıymdastyrylǵany anyqtaldy. Óz jaýabynda, túsiniktemesinde dúkenshi qatelesip, keıin beınekamerany sóndirip tastaǵanyn, kassadaǵy aqshany ózi alǵanyn moıyndady. Keıin kúdiktiden zattaı aıǵaq retinde aqshanyń bir bóligi tabyldy»,- dedi Aqtóbe oblystyq ІІD baspasóz qyzmeti.
Aıta keteıik, Qylmystyq kodekstiń «Urlyq» baby boıynsha is qozǵaldy. Qazir tergeý júrip jatyr. Jalǵan aqparat taratyp, aqsha urlamaq bolǵan dúkenshi qamaýda otyr.
