Aqtóbede dúkenniń tonalǵanyn oıdan shyǵarǵan satýshy tergeýge alyndy
AQTÓBE. QazAqparat - Dúkendi tonap, 50 myń teńgeni alyp ketkeni týraly polıtsııaǵa habar bergen satýshyǵa qatysty qylmystyq is tergelip jatyr, dep habarlaıdy QazAqparat tilshisi.
Oqıǵa 2 maýsym kúni saǵat 22:00-de Aqtóbe qalasynda boldy. Satýshy jedel basqarý ortalyǵyna habarlasyp, Rysqulov kóshesi boıyndaǵy dúkenderdiń birine qaraqshylyq jasalǵanyn málim etken.
«Satýshy eki belgisiz azamattyń kózine gaz ballonyn shashyp, ashyq túrde 50 myń teńge aqshasyn urlap, belgisiz baǵytta izderin sýytqanyn jetkizdi. Qylmystyq kodeksiniń 192-baby, ıaǵnı, «Qaraqshylyq» boıynsha sot aldy tergeý-tekserý júrgizildi. Tergeý kezinde jábirlenýshi óz túsiniktemesin birneshe ret ózgertti, keıin túsken qarjyny ıemdený úshin urlyq týraly habardy oıdan shyǵarǵanyn moıyndady», - dep habarlady oblystyq PD baspasóz jetekshisi Erbolat Sarqulov.
Aıta keteıik, satýshyǵa qatysty Qylmystyq kodeksiniń «Kórineý jalǵan sóz jetkizý» boıynsha sot aldy tergeý-tekserý jumystary bastaldy.
