Aqtóbede dron arqyly sý qaýipsizdigi týraly eskertý jasalmaq

AQTÓBE. KAZINFORM — Shomylý maýsymynyń bastalýyna baılanysty halyqtyń qaýipsizdigin qamtamasyz etý jáne aqparattandyrý deńgeıin arttyrý maqsatynda Aqtóbe oblysy TJD QR TJM-niń 20982 áskerı bólimimen birlesip, sý aıdyndarynyń mańynda turatyn turǵyndardy habardar etý naýqany jalǵasyp jatyr. Bul týraly TJM málim etti. 

— Ózen, kólder jáne basqa da sý aıdyndaryna jaqyn ornalasqan eldi mekenderde ushqyshsyz ushý apparaty arqyly aerovızýaldy eskertý júzege asyrylady. Dybys zoraıtqyshpen jabdyqtalǵan dron belgilengen ýaqytta áýege kóterilip, sýdaǵy qaýipsiz minez-qulyq erejeleri týraly dybystyq habarlamalardy taratady, — delingen habarlamada. 

Naýqan barysynda balalary bar otbasylarǵa, qart azamattarǵa, sondaı-aq sý aıdyndarynyń qaýipti ýchaskelerine jaqyn ornalasqan turǵyndarǵa erekshe nazar aýdarylady.

Eske sala keteıik, buǵan deıin Jetisýda bir kúnde eki bala sýǵa batyp ketken edi.