Aqtóbede Dosjan ıshan meshitiniń dekor elementteri qalpyna keltiriledi
AQTÓBE. KAZINFORM – Qunanbaımen birge Mekkede qonaqúı saldyrǵan Dosjan ıshan meshitindegi dekor elementteri qalpyna keltireledi.
Aqtóbe oblysy Temir aýdanyndaǵy Dosjan ıshan keshenindegi qalpyna keltirý jumysy birneshe jylǵa sozylyp keledi. Munda medrese men meshitte restavratsııa júrgizildi.
- Medrese 1904 jyly túsirilgen foto negizinde qalpyna keltirildi. Byltyr arheologtar meshit ishinde qazba jumystaryn júrgizip, qurylymyndaǵy erekshelikterin anyqtady. Oıý-órnek, dektorlyq elementter qazylyp alyndy. Sýretshi-qalpyna keltirýshi Qyrym Altynbekov, qalpyna keltirýshi Sádýaqas Aǵytaevty shaqyryp, jumys jospary jasaldy,- dedi Tarıhı-mádenı murany zertteý, qalpyna keltirý jáne qorǵaý ortalyǵynyń dırektory Farhad Dosmuratov.
Aqtóbe oblysynda 872 memlekettik qorǵaýǵa alynǵan. Onyń 9-y respýblıkalyq, qalǵany jergilikti mańyzy bar eskertkish. Sońǵy 3 jylda 6 mavzoleı, 4 meshit, 75 qulpytas, 1 medrese, 6 saǵanatam qalpyna keltirildi. Bıyl Hromtaý, Alǵa aýdandarynda eskertkishterdi túgeldeý jumysy júrgiziledi.
Eske salsaq, Aqtóbede Dosjan ıshan meshitin qalpyna keltirý jumystaryna daıyndyq 2019 jyly bastaldy.