Aqtóbede dop qýyp júrgen 7 jasar bala kólik astyna túsip, mert boldy
AQTÓBE. QazAqparat - Aqtóbede 7 jasar bala kólik astyna túsip, mert boldy, dep habarlaıdy QazAqparat tilshisi.
Oqıǵa 3 maýsym kúni Aqtóbe qalasynyń Qarǵaly aýylynda tirkeldi.
«Gaz-53» (assenızator) kóliginiń júrgizýshisi aýlada dostarymen oınap júrip, dop qýyp jolǵa júgirip shyqqan 2012 jylǵy balany qaǵyp ketken. Jol-kólik oqıǵasy saldarynan bala qaza tapty. Osy derek boıynsha qylmystyq is qozǵaldy. Oblystyq polıtsııa departamenti ata-analarǵa jazǵy ýaqytta joldarda jáne sý aıdyndarynda baqylaýdy kúsheıtý jáne balalardyń qaýipsizdigin qamtamasyz etýdi qajettigin eskertedi», - dep habarlady oblystyq polıtsııa departamentiniń baspasóz jetekshisi Erbolat Sarqulov.
Aıta keteıik, jyl basynan beri oblys aýmaǵyndaǵy joldarda 84 jol-kólik oqıǵasy tirkelgen. Saldarynan 93 bala dene jaraqatyn alǵan jáne 3 bala qaza tapqan. Soǵan oraı búgin polıtsııa qyzmetkerleri qan tapsyrdy. Polıtsııa qyzmetkerleri osy aktsııa arqyly júrgizýshiler men ata-analardy balalar qaýipsizdigi úshin saq bolýǵa shaqyrdy.
