Aqtóbede din isteri basqarmasynyń basshysy taǵaıyndaldy
AQTÓBE. KAZINFORM – Dáýren Qýanysh buǵan deıin de osy basqarmada bólim basshysy qyzmetin atqardy.
Aqtóbe oblystyq din isteri basqarmasynyń basshysy QR Memlekettik qyzmet isteri agenttiginiń kelisimimen taǵaıyndaldy. Dáýren Qýanysh 2014 jyly Ekonomıkalyq-quqyq kolledjin quqyqtaný, 2023 jyly Qazaq-orys halyqaralyq ýnıversıtetin Quqyq mamandyǵy boıynsha támamdaǵan. 2015 jyly Aqtóbe qalasynyń azamattyq hal aktilerin tirkeý bóliminde jetekshi maman boldy. Bul onyń alǵashqy jumys orny.
- 2017-2021 jyldary aralyǵynda Aqtóbe qalasy ákimi apparatynyń personaldy basqarýdyń biryńǵaı qyzmetinde bas maman, sondaı-aq qalalyq terrorızmge qarsy komıssııa jumysy jónindegi úılestirý bóliminde bas maman qyzmetterin atqarǵan. 2023 jyly Aqtóbe qalasy Almaty aýdany ákimi apparatynyń kásipkerlikti damytý bóliminde bas maman bolyp jumys istegen. 2023 jyldyń qarasha aıynda Aqtóbe oblystyq din isteri basqarmasynyń konfessııaaralyq qatynastar bóliminiń bas mamany bolyp taǵaıyndaldy. Al 2024 jyldyń shilde aıynan bastap osy bólimniń basshysy qyzmetin atqaryp keldi,- dep habarlady Aqtóbe oblysy ákiminiń baspasóz qyzmeti.
Aıta keteıik, búgin Shymkentte eki basqarmaǵa jańa basshy keldi. Shymkent qalasynda kásipkerlik jáne ındýstrıaldy-ınnovatsııalyq damý basqarmasy men balalar quqyǵyn qorǵaý basqarmasynyń basshylary taǵaıyndaldy.
