Aqtóbede destrýktıvti dinı aǵym ókilinen qarý-jaraq tabyldy

ASTANA. QazAqparat - Aqtóbede destrýktıvti dinı aǵym ókilinen qarý-jaraq tabyldy, dep habarlaıdy QazAqparat Polisia.kz saıtyna silteme jasap

Saıttaǵy málimetterge qaraǵanda, 2022 jyldyń 15 jeltoqsanynda saǵat shamamen 20:00 Aqtóbe oblysy Polıtsııa departamenti Uıymdasqan qylmysqa qarsy kúres basqarmasynyń qyzmetkerleri «Quqyqtyq tártip» sharasy barysynda uıymdasqan qylmystyq toptyń múshesi ári destrýktıvti dinı aǵymdy ustanýshy Alǵa aýdanynyń turǵynyń úıint tintken.

Tintý barysynda «Makarov» tapanshasy, 12 kalıbrli «Mossberg» markaly ańshy myltyǵy, 9 kalıbrli 38 dana tapansha oqtary, 12 kalıbrli 19 dana oq-dáriler, ańshy pyshaǵy, oq salǵysh beldik jáne 18 dana dinı ádebıetter tárkilendi.

Atalǵan derek boıynsha tergeý bastaldy. Jınaqtalǵan dálelder negizinde Alǵa aýdany turǵynynyń qylmystyq is-áreketi áshkerelenip QR QPK 128 baby boıynsha qamaýǵa alyndy.

Foto: polisia.kz