Aqtóbede áıeldi uryp-soqty dep kúdikke ilikken depýtattyń isi qysqartyldy
AQTÓBE. KAZINFORM – Baıǵanın aýdandyq máslıhatynyń depýtaty Bolat Aıapqa qatysty qylmystyq is qysqartyldy. Ol áıeldi uryp-soqty degen kúdikke ilikken bolatyn.

Aqtóbe oblystyq PD baspasóz qyzmetiniń jetekshisi Erbolat Sarqulovtyń aıtýynsha, Qylmystyq kodekstiń «Uryp-soǵý» babymen tergeý júrdi, alaıda qylmys quramy bolmaı, is qysqartyldy.
Baıǵanın aýdandyq máslıhatynyń depýtaty Bolat Aıap bolsa, qandaı da bir pikir bildirýden bas tartty.
Eske salsaq, Baıǵanın aýdany Jarly aýylynyń turǵyny áleýmettik jeli arqyly ózin depýtat Bolat Aıaptyń urǵanyn aıtyp, kómek surady. Habarlamadan soń polıtsııa tergeýdi bastady. Al Baıǵanın aýdandyq máslıhatynyń tóraǵasy Marǵulan Serjannyń málimetine súıensek, Bolat Aıap №6 saılaý okrýginiń depýtaty. Ol depýtat etıkasy jónindegi turaqty komıssııa bolǵanymen, áliptiń artyn baǵatynyn aıtty.