Aqtóbede denesin túgel kúıik shalǵan káriz-sorǵy stansasynyń operatory kóz jumdy

AQTÓBE. QazAqparat – Denesiniń 90-95% kúıik shalǵan áıel aýrýhana 5 kún em alyp, búgin kóz jumdy, dep habarlaıdy QazAqparat tilshisi.

Aqtóbe oblystyq densaýlyq saqtaý basqarmasynyń basshysy Rústem Isaevtiń aıtýynsha, jedel járdem aýrýhanasynda em qabyldaǵan naýqas búgin tústen keıin kóz jumdy. Onyń denesiniń 90-95% kúıik shaldy.

Eske salsaq, 14-maýsym kúni Aqtóbe oblysy Temir aýdany Keńqııaq aýylyndaǵy káriz-sorǵy stansasynda gaz-aýa qosyndysy jarylyp, operatordyń denesin túgel kúıik shaldy. Aldyn ala boljam boıynsha, ol oqıǵa ornynda sirińke tutatqan.

«Aldyn ala boljam boıynsha, operator káriz jınaý beketiniń esigin ashyp, shyrpy tutatqan. Kúıik shalǵan kezde birden kúıeýine habarlasyp, ol aýrýhanaǵa jetkizgen. Qazirgi kezde káriz stansasy shtattyq rejımde jumys istep tur. Tergeý jumystary júrip jatyr. Alǵashqy anyqtalǵan sebebi – órt qaýipsizdigi erejesiniń saqtalmaýy. Naýqastyń denesiniń 90-95%-yn kúıik shaldy», - dep aqparat taratty oblys ákiminiń baspasóz qyzmeti.

Eske salsaq, Aqtóbeniń Keńqııaq aýylynda buǵan deıin munaı-gaz kesheni órtenip, tórt jumysshyny kúıik shaldy. Olar oblys ortalyǵy men Astana qalasyndaǵy aýrýhanaǵa jetkizildi. Eki jumysshy aýrýhanada kóz jumdy.