Aqtóbede dekrettegi kelinshek memlekettiń grantyna sán salonyn ashty
AQTÓBE. QazAqparat – Aqtóbede dekrettegi kelinshek memlekettiń 500 myń teńge grantyn alyp, sán salonyn ashty, dep habarlaıdy QazAqparat tilshisi.
«Salon ashý - ońaıdyń ońaıy. Qajetti bilimdi «Jas kásipker» kýrsynan oqyp aldym. Keıin kásipkerlikti qoldaıtyn «Eńbek» memlekettik baǵdarlamasynyń grantyn utyp aldym. Men bala kútimimen otyrǵan anamyn. Balam bir jasta, biraq bul klıent qabyldap, kosmetologııalyq qyzmet kórsetýime kedergi bolyp otyrǵan joq«, - deıdi 22 jastaǵy Іńkár Moldabaı.
Onyń aıtýynsha, kásipkerler palatasynyń «Jas kásipker» jobasy kásip ashýyna múmkindik beripti.
Іńkár «Eńbek» baǵdarlamasy boıynsha 200 AEK, ıaǵnı 505 myń teńge mólsherinde grant alǵan.
«Sol aqshaǵa 4 kýshetka, 2 manıkıýr ústelin, vızaj ústelin, 8 oryndyq, 2 bar oryndyǵy, sterıldeýge qajetti quraldar, apparattyq manıkıýr ınventaryn, jeldetkish jáne ýltrakúlgin lampa satyp aldym. Ázirge oryn jaldap turmyn», - dedi jas kásipker.
Onyń jobasy 10 adamdy jumyspen qamtyp otyr.
Kásipkerler palatasynyń málimdeýinshe, bıyl «Eńbek» baǵdarlamasy boıynsha alǵash ret «Jas kásipker» jobasy qolǵa alynǵan. Aqtóbe oblysy boıynsha, 1100 adam oǵan qatysqan. Olar 18-29 jas aralyǵyndaǵy tabysy az, kóp balaly otbasylar. 289 adamnyń kásip ashýyna qarajat bólingen (284 grant jáne 4 shaǵyn nesıe).
Avtory: Samal Endibaeva
