Aqtóbede dárini dúken men kempıngte satqandar anyqtaldy
AQTÓBE. QazAqparat – Aqtóbedegi aýdan prokýrorlary reıdke shyǵyp, azyq-túlik dúkeninde, kempıngte dári-dármek satylǵanyn anyqtady, dep habarlaıdy QazAqparat tilshisi.
Baıǵanın aýdandyq prokýratýrasy dárihanalardaǵy baǵany tekserdi. Reıd kezinde suranysqa ıe «Tseftrıakson», «Tsıprofloksatsın» dárisiniń quny shekti baǵadan asyrylǵany belgili boldy. Keıbiri medıtsınalyq preparattar men dári satýǵa ruqsaty bolmasa da antıbıotık satýmen aınalysqan. Zańsyzdyq tirkelip, hattama oblystyq taýarlar men kórsetiletin qyzmetter sapasy men qaýipsizdigin baqylaý departamentine joldandy.
«Noǵaıty aýylynda ornalasqan «Nuraı» dúkeninde 62 túrli dári sanylǵany anyqtaldy. Bári tárkilendi. Sonymen birge Jarly aýylynda arnaıy jabdyqtalmaǵan ǵımaratta dárilik zattar men medıtsınalyq buıymdar satylǵan», - dedi Baıǵanın aýdanynyń prokýrory Aqedil Úsenov.
Hromtaýda da reıd júrdi. «Samara-Shymkent» tasjolynyń boıynda ornalasqan «Amanat» kempınginiń lıtsenzııasy bolmasa da dári satqan.
«Kempıngter «Antıgrıppın-P», «Novokaın», «Lıdokaın», «Mezım», «De-Nol» sekildi 40-tan astam antıbıotık tárkilendi. Hattama toltyrylyp, bári oblystyq taýarlar men kórsetiletin qyzmetter sapasy men qaýipsizdigin baqylaý departamentine joldandy», - dedi Hromtaý aýdanynyń prokýrory Aman Májıtov.
