Aqtóbede dárigerler men muǵalimder qonys toıyn atap ótýde

AQTÓBE. QazAqparat - Aqtóbede «Nurly jer» baǵdarlamasy aıasynda 40 páter paıdalanýǵa berildi, dep habarlaıdy QazAqparat tilshisi qala ákiminiń baspasóz qyzmetine silteme jasap.

Tuńǵysh Prezıdenti kúni Aqtóbede densaýlyq saqtaý jáne bilim salasy qyzmetkerlerine baspana kiltteri tabystaldy. Bul, «Nurly jer» baǵdarlamasy boıynsha «Qazaqstannyń ıpotekalyq kompanııasy» AQ men mınıstrlikter arasyndaǵy memorandým aıasynda iske asyrylyp otyr. Barlyǵy 40 páter Marat Ospanov atyndaǵy Batys Qazaqstan medıtsına ýnıversıteti men Q. Jubanov atyndaǵy Aqtóbe óńirlik memlekettik ýnıversıtetiniń qyzmetkerlerine, oqytýshylarǵa berildi.

Qala ákimi Mavr Abdýllın qonys ıelerin quttyqtap, halyqty baspanamen qamtý memlekettik baǵdarlamalar aıasynda jalǵasa beretinin atap ótti.

«Elimizde júzege asyrylyp jatqan «Nurly jer» memlekettik baǵdarlamasynyń ıgiligin aqtóbelikter de kórip keledi. Osy jáne «Baqytty otbasy» baǵdarlamasy aıasynda páter berilip jatqanyna qala halqy kýá. Qazir Aqtóbe alyp qurylystar alańyna aınaldy. Búgingi kúni qalada 60-tan astam turǵyn úı salynýda. Onyń ishinde memlekettik baspanalar, kommertsııalyq úıler bar. Jalpy Memleket basshysynyń tapsyrmasy boıynsha halyqtyń ál-aýqatyn kóterý úshin alǵan mindettemelerimizdi oryndaýǵa ynta-jigerimizdi salyp otyrmyz», — dedi qala ákimi Mavr Abdýllın.

Aıta keteıik, páterler satyp alý quqyǵymen jalǵa berildi. Turǵyn úı qurylysyn qarjylandyrýǵa «Qazaqstannyń ıpotekalyq kompanııasy» AQ aldaǵy ýaqytta shamamen 40 mlrd teńge baǵyttaıtyn bolady. 2020 jyldyń birinshi jartyjyldyǵynda Nur-sultan, Almaty jáne Qaraǵandy qalalarynda páterlerdi bólý josparlanǵan.