Aqtóbede dári-dármek baǵasyn ósirgen dárihanalar anyqtaldy
AQTÓBE. QazAqparat – Aqtóbede dárihanadaǵy dári-dármek baǵasy tekserildi. Monıtorıng toby baǵany ósirgenderdi anyqtady, dep habarlaıdy QazAqparat tilshisi.
Oblystyq prokýratýra, ekonomıkalyq tergeý departamenti jáne «Aqtóbe - adaldyq alańy» jobalyq keńsesiniń ókilderi 8 dárihanada shekti bólshek saýda baǵasyn saqtaý boıynsha monıtorıng júrgizdi. Monıtorıng barysynda 4 dárihananyń baǵany kótergeni anyqtaldy. Olar: «Aktıýbfarmtsentr» JShS, «Vıtafarm» JShS, «Starchenko» JK, «Hasan Oıl» JShS.
«Qazir oblystyq ekonomıkalyq tergeý departamenti tergeý jumystaryn bastady. Oblystyq taýarlar men kórsetiletin qyzmettiń sapasy men qaýipsizdigin baqylaý departamenine 4 materıal tústi. Ákimshilik quqyqbuzýshylyq týraly kodekstiń 246 baby 1 tarmaǵy boıynsha is qozǵaldy. Jalpy departament 94 dárihanada dárilik zattardyń 41 ataýyna apta saıyn monıtorıng júrgizedi. Sonymen birge «Aqtóbe - adaldyq alańy» jobalyq keńsesiniń ókilderi tekserý júrgizdi. Dárihana qoımalarynda 914 602 betperde, bólshek saýda jelisinde – 22 961 betperde bar», - dep habarlady Aqtóbe oblysynyń taýarlar men kórsetiletin qyzmetterdiń sapasy men qaýipsizdigin baqylaý departamentiniń baspasóz qyzmeti.
Aıta keteıik, Aqtóbe oblysynda 367 dárihana jumys isteıdi. Qalada – 277, aýdan-aýylda – 90. Dárihana jáne dárihana pýnktteriniń qyzmeti – 196.
