Aqtóbede dáriger ólimine qatysty is jabyq ótedi

AQTÓBE. KAZINFORM – Aqtóbe medıtsına ortalyǵynyń dárigerine qatysty is jabyq qaralady. Kúdiktige Qylmystyq kodekstiń tórt baby boıynsha aıyp taǵylyp otyr.

Aqtóbede dáriger ólimine qatysty is oblystyq qylmystyq ister jónindegi mamandandyrylǵan aýdanaralyq sotynda qaralady. Búginde kúdiktige Qylmystyq kodekstiń «Turǵynjaıǵa qolsuǵylmaýshylyqty buzý»,«Zorlaý», «Adam óltirý», «Quqyq qorǵaý organy, arnaýly memlekettik organ qyzmetkeriniń, áskerı qyzmetshiniń ómirine qolsuǵýshylyq» baptary boıynsha aıyp taǵylyp otyr.

- Qylmystyq iste zorlaý baby boıynsha aıyp taǵylyp jatqan soń Qylmystyq protsestik kodeks normasyna saı is jabyq qaralady. Alǵashqy sot otyrysy 4 qyrkúıek kúni ótedi. Sotqa tek protseske qatysýshylar jiberiledi, - dep habarlady Aqtóbe oblystyq sotynyń baspasóz qyzmeti.

Eske salsaq, bıyl kóktemde Aqtóbe qalasynda Aqtóbe medıtsına ortalyǵynyń dárigerin óltirip ketti. Keıin kúdikti polıtsııaǵa qarsylyq kórsetip, qashty. Sol kezde kólik aýdarylyp qalǵanymen, kúdikti tergeý ızolıatoryna jetkizildi.