Aqtóbede «Damý» qory ǵımaratynyń astynda qalǵan qyzmetker kóz jumdy
AQTÓBE. QazAqparat – Aqtóbede «Damý» qorynyń ǵımaraty opyrylyp, bir qyzmetker úıindi astynda qalǵan bolatyn. Ol esin jımastan mert boldy, dep habarlaıdy QazAqparat tilshisi.
Aqtóbede úıindi astynda qalǵan qyzmetkerdi aman alyp qalý múmkin bolmady.
«Aýrýhanaǵa eki naýqas jetkizildi. Bireýine kómek kórsetip, úıine jiberildi. Al ekinshisiniń jaǵdaıy óte aýyr boldy. Esin bilmedi. Birden jansaqtaý bólimine jatqyzyldy. Keýde, bas-mı jaraqaty boldy»,- dedi oblystyq jádel járdem aýrýhanasynyń bas dárigeri Serik Qapanov. 33 jastaǵy áıel esin bilmesten kóz jumdy.
Aıta keteıik, osy oqıǵa baılanysty Qylmystyq kodekstiń «Eńbekti qorǵaý qaǵıdalaryn buzý» baby boıynsha is qozǵaldy, tergeý júrip jatyr.
