Aqtóbede dámhanalar jumysyn bastaıdy
AQTÓBE. QazAqparat - Aqtóbede balalarǵa qosymsha bilim berý ortalyqtary men dámhanalardyń jumysyna ruqsat berildi. Tek araqashyqtyq pen tazalyq saqtalýy tıis, dep habarlaıdy QazAqparat tilshisi.
Aqtóbe qalasynda balabaqshalar jumysyna tyıym salynǵanymen balalarǵa arnalǵan túzetý kabınetteri, úıirmeler, qosymsha bilim berý ortalyqtary 18 mamyrda jumysyn bastaıdy. Mádenıet qyzmetkerleri de jumysqa qosyla alady. Týrıstik bazalar, demalys úıleri, dámhanalar tizimge endi.
«Qoǵamdyq tamaqtaný oryndaryna kelýshiler sany 30-dan aspaýy tıis. Jumysty ýaqyty: 10:00-den 18:00-ge deıin. Sulýlyq salondaryna da ruqsat berildi. Al aýdandarda balabaqshalardyń kezekshi toby jumysyn bastaıdy. Sonymen birge saýda oryndarynyń, sport keshenderiniń jumysyna ruqsat berildi. Dámhanalar da sanıtarlyq talapty qatań saqtap jumysyn basaıdy», - dep habarlady oblystyq taýarlar men kórsetiletin qyzmetter sapasy men qaýipsizdigin baqylaý departamentiniń baspasóz qyzmeti.