Aqtóbede dalada júrgen eki balanyń ata-anasy izdestirilip jatyr
AQTÓBE. QazAqparat - Aqtóbede eki bala qaraýsyz kóshede júrgen. Tərtip saqshylary balalardyń ata-analaryn izdestirip jatyr, dep habarlaıdy QazAqparat tilshisi.
Aqtóbe qalasynyń Zarechnyı aýylynda eki bala ata-anasynyń qaraýynsyz qalyp, adasyp ketken. Aqtóbe qalalyq ІІB qarasty jedel basqarý ortalyǵy izdeý jarııalady. "Kópir mańynda eki kishkentaı balanyń panasyz, qaraýsyz júrgeni týraly aqparat tústi.
Oqıǵa ornyna kelgen patrýldik polıtseıler jastary shamamen 1,5 jəne 2 jastaǵy eki balany bólimshege jetkizdi. Zarechnyı polıtsııa bólimi men patrýldik polıtsııa qyzmetkerleri balalardyń ózderi men ata-analary týraly aqparatty anyqtaý úshin jedel izdestirý sharalaryna kiristi. Іzdestirý sharalary kezinde saıajaı men balalar tabylǵan aýmaq túgel qaraldy. Turǵyndardyń eshqaısysy ázirge ol balalardyń fotosýretterine qarap, kimder ekenin, ata-analary men týystary týraly málimetterdi bilmeı otyr. Polıtsııaǵa balalarym joǵaldy dep eshkim shaǵymdanbaǵan. Aqtóbe oblystyq Іshki ister departamenti osy balalardyń ata-analary men týystary týraly biletinder bolsa myna baılanys telefondaryna habarlasýlaryńyzdy suraıdy: 102, 99-69-25, 8707-505-46-20"- dep aqparat taratty oblystyq ІІD baspasóz qyzmeti.
Balarlar Aqtóbedegi sábıler úıine ornalastyryldy. Jaǵdaılary jaqsy.
