Aqtóbede COVID-19 juqtyrǵandardyń 92,5% jazyldy

AQTÓBE. QazAqparat - Aqtóbede bir táýlikte 90 adamnan koronavırýs ınfektsııasy anyqtaldy. Pandemııa bastalǵaly vırýs juqtyrǵandardyń 92,5% jazyldy, dep habarlaıdy QazAqparat tilshisi.

Pandemııa bastalǵaly Aqtóbe oblysy boıynsha 32 myńnan astam adam koronavırýs ınfektsııasyn juqtyrdy. Búginde olardyń 92,5 % jazyldy.

«Bir táýlikte 90 adam koronavırýs ınfektsııasyn juqtyrdy. Seısenbide 44 adamnyń PTR synamasy oń mán kórsetti. Demek koronavırýs ınfektsııasyn juqtyrý dereginiń áli de qubylmaly ekenin kórýge bolady. Qazirgi kezde áli de 10 myńnan astam adam úı karantıninde. Olar eki apta boıy oqshaýlanady», - dedi Aqtóbe oblystyq sanıtarııalyq-epıdemıologııalyq baqylaý departamentiniń baspasóz qyzmeti.

Aqtóbe oblystyq densaýlyq saqtaý basqarmasynyń habarlaýynsha, ınfektsııalyq statsıonarlarda adam sany azaıǵan. Qazirgi kezde 600-den astam adam em qabyldap jatyr.