Aqtóbede tsısterna jarylyp bir adam qaza tapty
AQTÓBE. QazAqparat - Aqtóbede tsısterna tazartyp júrgen er adam janyp ketti. Jedel járdem qyzmeti tek jumysshynyń ólimin tirkedi, dep habarlaıdy QazAqparat tilshisi.
Aqtóbede tótenshe jaǵdaı tirkeldi. Bir adam jumys ornynda qaza boldy.
«Janat esim jumysshy oqıǵa ornynda kóz jumdy. Tsısterna jaryldy. Tsısternamen mazýt tasyǵan eken. Bizge habar jetken soń medıtsınalyq jedel járdem brıgadasy oqıǵa ornyna 20 mınýtta jetti. Kúıik shalǵan adam sol jerde qaza boldy»,- dedi qalalyq jedel járdem stantsııasy bas dárigeriniń orynbasary Dastan Netalıeva.
Sonymen qatar, poıyz relsimen júrgen eki adamnyń biri oqıǵa ornynda qaza boldy.
«Er adam men áıel temir joldyń boıymen júrgen. Sol kezde olardy poıyz súırep ketti. Saldarynan aty-jóni belgisiz er adam oqıǵa ornynda qaza boldy. Al 51 jastaǵy áıel bas-mı jaraqatyn aldy. Ol es-tússiz kúıinde aýrýhanaǵa jetkizildi»,- dedi qalalyq jedel járdem stantsııasy bas dárigeriniń orynbasary Dastan Netalıeva.
